دل لگی اپنی ترے ذکر سے کس رات نہ تھی
دل لگی اپنی ترے ذکر سے کس رات نہ تھی
صبح تک شام سے یاہو کے سوا بات نہ تھی
التجا تجھ سے کب اے قبلۂ حاجات نہ تھی
تیری درگاہ میں کس روز مناجات نہ تھی
اب ملاقات ہوئی ہے تو ملاقات رہے
نہ ملاقات تھی جب تک کہ ملاقات نہ تھی
غنچۂ گل کو نہ ہنسنا تھا تری صورت سے
چھوٹے سے منہ کی سزاوار بڑی بات نہ تھی
ابتدا سے تجھے موجود سمجھتا تھا میں
مرے تیرے کبھی پردے کی ملاقات نہ تھی
اے نسیم سحری بہر اسیران قفس
تحفہ تر نکہت گل سے کوئی سوغات نہ تھی
ان دنوں عشق رلاتا تھا ہمیں صورت ابر
کون سی فصل تھی وہ جس میں کہ برسات نہ تھی
کیا کہوں اس کے جو مجھ پر کرم پنہاں تھے
ظاہری یار سے ہر چند ملاقات نہ تھی
اپنے باندھے ہوئے گاتی تجھے دیکھا پھڑکا
دل ربا شے تھی مری جان تری گات نہ تھی
اک میں مل گئے اے شاہ سوار اہل نیاز
ناز معشوق تھا تو سن کی ترے لات نہ تھی
لب کے بوسہ کا ہے انکار تعجب اے یار
پھیرے سائل سے جو منہ کو وہ تری ذات نہ تھی
کمر یار تھی ازبسکہ نہایت نازک
سوجھتی بندش مضموں کی کوئی گھات نہ تھی
ان دنوں ہوتا تھا تو گھر میں ہمارے شب باش
روز روشن سے کم اے مہر لقا رات نہ تھی
بے شعوروں نے نہ سمجھا تو نہ سمجھا آتشؔ
نکتہ سنجوں کو لطیفہ تھی تری بات نہ تھی
حیدر علی آتش 
(1169) ووٹ وصول ہوئے
Dil-lagi Apni Tere Zikr Se Kis Raat Na Thi In Urdu By Famous Poet Haidar Ali Aatish. Dil-lagi Apni Tere Zikr Se Kis Raat Na Thi is written by Haidar Ali Aatish. Enjoy reading Dil-lagi Apni Tere Zikr Se Kis Raat Na Thi Poem on Inspiration for Students, Youth, Girls and Boys by Haidar Ali Aatish. Free Dowlonad Dil-lagi Apni Tere Zikr Se Kis Raat Na Thi by Haidar Ali Aatish in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends