برق کو اس پر عبث گرنے کی ہیں تیاریاں
برق کو اس پر عبث گرنے کی ہیں تیاریاں
برگ گل ہی آشیاں کو اپنے ہے چنگاریاں
عہد طفلی میں بھی تھا میں بسکہ سودائی مزاج
بیڑیاں منت کی بھی پہنیں تو میں نے بھاریاں
موت کے آتے ہی ہم کو خود بخود نیند آ گئی
کیا اسی کی یاد میں کرتے تھے شب بیداریاں
اے خط اس کے گورے گالوں پر یہ تو نے کیا کیا
چاندنی راتیں یکایک ہو گئیں اندھیاریاں
خندۂ گل سے صدائے نالہ آتی ہے مجھے
خون بلبل سے مگر سینچی گئی ہیں کیاریاں
خاک کا پتلا بھی آہن سے ہے سختی میں فزوں
جسم پر انساں کے تلواریں ہوئی ہیں آریاں
خوف خالق ہے وگرنہ محتسب کیا مال ہے
خانۂ قاضی میں جا کر کیجئے مے خواریاں
کچھ ہمیں خالی نہیں کرتے ہیں یہ دیر خراب
پھر گئے ہیں یار یوں ہی اپنی اپنی باریاں
حکم کر آتشؔ کہ بازار محبت بند ہو
اب کریں ٹٹپوجئے گرم اپنی دوکاں داریاں
حیدر علی آتش 
(967) ووٹ وصول ہوئے
Barq Ko Us Par Abas Girne Ki Hain Tayyariyan In Urdu By Famous Poet Haidar Ali Aatish. Barq Ko Us Par Abas Girne Ki Hain Tayyariyan is written by Haidar Ali Aatish. Enjoy reading Barq Ko Us Par Abas Girne Ki Hain Tayyariyan Poem on Inspiration for Students, Youth, Girls and Boys by Haidar Ali Aatish. Free Dowlonad Barq Ko Us Par Abas Girne Ki Hain Tayyariyan by Haidar Ali Aatish in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends