یوں تو حسین اکثر ہوتے ہیں شان والے
یوں تو حسین اکثر ہوتے ہیں شان والے
لیکن کچھ اور ہے تو او آن بان والے
ناقوس دیر پھونکوں کعبے میں یا اذان دوں
تجھ کو کہاں پکاروں او لا مکان والے
منبر پہ بیٹھ کر تو اتنا بہک نہ واعظ
کیسی یہ نیچی باتیں اونچی دکان والے
یہ حسن یہ جوانی مہماں ہے چند روزہ
اس پر نہ کر یہ غرہ او آن بان والے
کعبے کو شیخ جائے بت خانے کو برہمن
یونہی ڈٹے رہیں گے اس آستان والے
ابرو پہ ڈال کر بل ترچھی نظر نہ کر تو
یہ تیر کج پڑے گا بانکی کمان والے
غیروں پہ تو نظر ہے میری بھی کچھ خبر ہے
میں بھی مٹا ہوا ہوں او آن بان والے
تلوار کھینچ کر کیا بازو کو دیکھتا ہے
دو ہاتھ بس لگا دے اب امتحان والے
قائل ترا جہاں ہے ہاں فرق درمیاں ہے
کچھ ہیں یقین والے کچھ ہیں گمان والے
فرہاد قیس دونوں دے بیٹھے جان آخر
مرتے ہیں بات ہی پر جتنے ہیں آن والے
وہ کس لیے بلائیں جائیں حفیظؔ ہم کیوں
وہ بھی ہیں شان والے ہم بھی ہیں آن والے
حفیظ جونپوری 
(920) ووٹ وصول ہوئے
Yun To Hasin Akasr Hote Hain Shan Wale In Urdu By Famous Poet Hafeez Jaunpuri. Yun To Hasin Akasr Hote Hain Shan Wale is written by Hafeez Jaunpuri. Enjoy reading Yun To Hasin Akasr Hote Hain Shan Wale Poem on Inspiration for Students, Youth, Girls and Boys by Hafeez Jaunpuri. Free Dowlonad Yun To Hasin Akasr Hote Hain Shan Wale by Hafeez Jaunpuri in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends