وصل آسان ہے کیا مشکل ہے
وصل آسان ہے کیا مشکل ہے
تجھ کو یہ دھیان ہے کیا مشکل ہے
وضع کا دھیان ہے کیا مشکل ہے
دوست نادان ہے کیا مشکل ہے
ہونٹ پر جان ہے کیا مشکل ہے
مشکل آسان ہے کیا مشکل ہے
ہائے دیوانہ بنا کر کہنا
پھر بھی اک شان ہے کیا مشکل ہے
اب جگہ چاہیے وحشت کو مری
تنگ میدان ہے کیا مشکل ہے
جس کو مر مٹ کے مٹایا تھا ابھی
پھر وہی دھیان ہے کیا مشکل ہے
بے بلائے کہیں جانے کے نہیں
آ پڑی آن ہے کیا مشکل ہے
ہم نہ اٹھتے ہیں نہ وہ دیتے ہیں
ہاتھ میں پان ہے کیا مشکل ہے
ہم کو سمجھائے سمجھ ناصح کی
پھر یہ احسان ہے کیا مشکل ہے
میرے بد عہد کو اللہ رکھے
موت آسان ہے کیا مشکل ہے
اس نے رکھا ہے وہ درباں جس سے
جان پہچان ہے کیا مشکل ہے
شیخ کرتا ہے بتوں کی غیبت
پھر مسلمان ہے کیا مشکل ہے
حسن پر خلق مٹی جاتی ہے
جو ہے قربان ہے کیا مشکل ہے
ہجر میں جان نکلتی نہیں آہ
یہ بھی ارمان ہے کیا مشکل ہے
بندگی بت کی خدا کے بندے
کفر ایمان ہے کیا مشکل ہے
چارہ گر کو ہے مرے فکر دوا
درد ہی جان ہے کیا مشکل ہے
بزم میں زہر اگلنے کو عدو
در پہ دربان ہے کیا مشکل ہے
یوں تو پہلے بھی محبت تھی حفیظؔ
اب تو ایمان ہے کیا مشکل ہے
حفیظ جونپوری 
(812) ووٹ وصول ہوئے
Wasl Aasan Hai Kya Mushkil Hai In Urdu By Famous Poet Hafeez Jaunpuri. Wasl Aasan Hai Kya Mushkil Hai is written by Hafeez Jaunpuri. Enjoy reading Wasl Aasan Hai Kya Mushkil Hai Poem on Inspiration for Students, Youth, Girls and Boys by Hafeez Jaunpuri. Free Dowlonad Wasl Aasan Hai Kya Mushkil Hai by Hafeez Jaunpuri in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends