بگڑ جاتے تھے سن کر یاد ہے کچھ وہ زمانہ بھی
بگڑ جاتے تھے سن کر یاد ہے کچھ وہ زمانہ بھی
کوئی کرتا تھا جب میری شکایت غائبانہ بھی
وہ جس پر مہرباں ہوتے ہیں دنیا اس کی ہوتی ہے
نظر ان کی پلٹتے ہی پلٹتا ہے زمانہ بھی
سنا کرتا ہوں طعنے ہجر میں کیا کیا رقیبوں کے
بنا ہوں اس محبت میں ملامت کا نشانہ بھی
یہاں بھی فرض ہے زاہد ادب سے سر جھکا لینا
مرے نزدیک کعبہ ہے کسی کا آستانہ بھی
فریب دام میں لائی ہے کچھ صیاد کی خاطر
قفس میں کھینچ کر لایا ہمیں کچھ آب و دانہ بھی
جلا کر دل مرا صیاد کا ٹھنڈا کلیجہ کر
کہیں اے برق جلدی پھونک میرا آشیانہ بھی
بگڑتے دیر ہوتی ہے نہ بنتے دیر ہوتی ہے
مزاج یار سے کچھ ملتا جلتا ہے زمانہ بھی
حسیں پڑھ کر غزل میری مرے مشتاق ہوتے ہیں
مسخر دل کو کرتا ہے کلام عاشقانہ بھی
نہ بھولے گی حفیظ احباب کو یہ سرگزشت اپنی
جہاں میں یاد رہ جائے گا کچھ اپنا فسانہ بھی
حفیظ جونپوری 
(769) ووٹ وصول ہوئے
BigaD Jate The Sun Kar Yaad Hai Kuchh Wo Zamana Bhi In Urdu By Famous Poet Hafeez Jaunpuri. BigaD Jate The Sun Kar Yaad Hai Kuchh Wo Zamana Bhi is written by Hafeez Jaunpuri. Enjoy reading BigaD Jate The Sun Kar Yaad Hai Kuchh Wo Zamana Bhi Poem on Inspiration for Students, Youth, Girls and Boys by Hafeez Jaunpuri. Free Dowlonad BigaD Jate The Sun Kar Yaad Hai Kuchh Wo Zamana Bhi by Hafeez Jaunpuri in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends