ادا پریوں کی صورت حور کی آنکھیں غزالوں کی
ادا پریوں کی صورت حور کی آنکھیں غزالوں کی
غرض مانگے کی ہر اک چیز ہے ان حسن والوں کی
بجائے رقص مے خانے میں ہے گردش پیالوں کی
تکلف بر طرف یہ بزم ہے اللہ والوں کی
نشاں جب مٹ گیا تربت کا آئے فاتحہ پڑھنے
انہیں کب یاد آئی ہیں وفائیں مرنے والوں کی
ہوا دو گز کفن منعم کو حاصل مال دنیا سے
بندھی رکھی ہی آخر رہ گئی گٹھری دوشالوں کی
دکھا کر دل مرا پھر آپ ہی عذر جفا کرنا
ارے کافر تری اک چال ہے یہ لاکھ چالوں کی
ابھی تم کو بہت کچھ ناز ہے ترچھی نگاہوں پر
مگر دیکھی نہیں تاثیر تم نے میرے نالوں کی
ترے ہوتے ہوئے یہ بات غیرت کی ہے او ظالم
اڑائے آسماں یوں خاک تیری پائمالوں کی
بھلے ہیں یا برے جو کچھ ہیں بندے تو خدا کے ہیں
ندامت اس قدر واعظ نہ کر مے خانے والوں کی
ہوئی بوچھار مجھ پر شکوۂ بے جا کی پھر کیا کیا
جہاں چھیڑا انہیں بس کھل گئی گٹھری ملالوں کی
گنہ گار محبت ہیں جدھر گزریں گے محشر میں
ہمارے ساتھ ساتھ اک بھیڑ ہوگی خوش جمالوں کی
فرشتوں سے حفیظؔ اک دن لحد میں گفتگو ہوگی
ابھی سے فکر لازم ہے تمہیں ان کے سوالوں کی
حفیظ جونپوری 
(829) ووٹ وصول ہوئے
Ada Pariyon Ki Surat Hur Ki Aankhen Ghazalon Ki In Urdu By Famous Poet Hafeez Jaunpuri. Ada Pariyon Ki Surat Hur Ki Aankhen Ghazalon Ki is written by Hafeez Jaunpuri. Enjoy reading Ada Pariyon Ki Surat Hur Ki Aankhen Ghazalon Ki Poem on Inspiration for Students, Youth, Girls and Boys by Hafeez Jaunpuri. Free Dowlonad Ada Pariyon Ki Surat Hur Ki Aankhen Ghazalon Ki by Hafeez Jaunpuri in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends