آغاز محبت میں برسوں یوں ضبط سے ہم نے کام لیا
آغاز محبت میں برسوں یوں ضبط سے ہم نے کام لیا
جب ہوک کلیجے میں اٹھی تو ہاتھوں سے دل تھام لیا
اس رشک کے ہاتھوں ایک نہ اک ہر روز ہی داغ اٹھاتے رہے
ہم چوٹ جگر پر کھا بیٹھے جب غیر نے تیرا نام لیا
آنکھیں وہ جھکیں ملتے ملتے رہے ہوش و خرد جاتے جاتے
کچھ شرم نے ان کو روک لیا کچھ ضبط نے ہم کو تھام لیا
انسان کی تھی یہ تاب و تواں جو بار محبت اٹھا سکتا
اک یہ بھی ہے احسان ترا کیا اس سے تو نے کام لیا
صحرا میں ٹھنڈے وقت ہمیں یاد آئی جو اس کی جلوہ گری
کچھ ایسی ہوئی وحشت دل کو دم جا کے زیر بام لیا
اور اس کے سوا کچھ کہہ نہ سکے پوچھا جو کسی نے حال ہے کیا
آنکھوں سے آنسو بہنے لگے ہاتھوں سے کلیجا تھام لیا
لوٹا تری دونوں آنکھوں نے پایا جو مرے دل کو تنہا
جو ایک نے صبر شکیب لیا تو ایک نے چین آرام لیا
اب تک تو خبر لی اس نے مری جس وقت کوئی افتاد پڑی
جب ٹھوکریں کھا کر گرنے لگا ہاتھ اس نے لپک کر تھام لیا
ہم لائیں کہاں سے وہ آنکھیں جو تم کو پشیماں دیکھ سکیں
اب کیسی ندامت جب ہم نے سب اپنے سر الزام لیا
محرومیٔ قسمت کیا کہئے احسان کیا کب ساقی نے
پیمانۂ عمر چھلک ہی گیا جب ہاتھ میں اپنے جام لیا
موزوں جو ہوئے جذبات دل جب شعر حفیظؔ پڑھا ہم نے
سنتے ہی دونوں ہاتھوں سے سامع نے کلیجہ تھام لیا
حفیظ جونپوری 
(822) ووٹ وصول ہوئے
Aaghaz-e-mohabbat Mein Barson Yun Zabt Se Humne Kaam Liya In Urdu By Famous Poet Hafeez Jaunpuri. Aaghaz-e-mohabbat Mein Barson Yun Zabt Se Humne Kaam Liya is written by Hafeez Jaunpuri. Enjoy reading Aaghaz-e-mohabbat Mein Barson Yun Zabt Se Humne Kaam Liya Poem on Inspiration for Students, Youth, Girls and Boys by Hafeez Jaunpuri. Free Dowlonad Aaghaz-e-mohabbat Mein Barson Yun Zabt Se Humne Kaam Liya by Hafeez Jaunpuri in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends