توبہ نامہ
اف وہ راوی کا کنارہ وہ گھٹا چھائی ہوئی
شام کے دامن میں سبزے پر بہار آئی ہوئی
وہ شفق کے بادلوں میں نیلگوں سرخی کا رنگ
اور راوی کی طلائی نقرئی لہروں میں جنگ
شہ درے میں آم کے پیڑوں پہ کوئل کی پکار
ڈالیوں پر سبز پتوں سرخ پھولوں کا نکھار
وہ گلابی عکس میں ڈوبی ہوئی چشم حباب
اور نشے میں مست وہ سرمست موجوں کے رباب
وہ ہوا کے سرد جھونکے شوخیاں کرتے ہوئے
بن پیئے با مست کر دینے کا دم بھرتے ہوئے
دور سے ظالم پپیہے کی صدا آتی ہوئی
پے بہ پے کم بخت پی پی کہہ کر اکساتی ہوئی
اور وہ میں ٹھنڈی ٹھنڈی ریت پر بیٹھا ہوا
دونوں ہاتھوں سے کلیجہ تھام کر بیٹھا ہوا
شیخ صاحب! سچ تو یہ ہے ان دنوں پیتا تھا میں
ان دنوں پیتا تھا یعنی جن دنوں جیتا تھا میں
اب وہ عالم ہی کہاں ہے مے پئے مدت ہوئی
اب میں توبہ کیا کروں توبہ کئے مدت ہوئی
حفیظ جالندھری 
(1340) ووٹ وصول ہوئے
Tauba-nama In Urdu By Famous Poet Hafeez Jalandhari. Tauba-nama is written by Hafeez Jalandhari. Enjoy reading Tauba-nama Poem on Inspiration for Students, Youth, Girls and Boys by Hafeez Jalandhari. Free Dowlonad Tauba-nama by Hafeez Jalandhari in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends