او دل توڑ کے جانے والے دل کی بات بتاتا جا
او دل توڑ کے جانے والے دل کی بات بتاتا جا
اب میں دل کو کیا سمجھاؤں مجھ کو بھی سمجھاتا جا
ہاں میرے مجروح تبسم خشک لبوں تک آتا جا
پھول کی ہست و بود یہی ہے کھلتا جا مرجھاتا جا
میری چپ رہنے کی عادت جس کارن بد نام ہوئی
اب وہ حکایت عام ہوئی ہے سنتا جا شرماتا جا
یہ دکھ درد کی برکھا بندے دین ہے تیرے داتا کی
شکر نعمت بھی کرتا جا دامن بھی پھیلاتا جا
جینے کا ارمان کروں یا مرنے کا سامان کروں
عشق میں کیا ہوتا ہے ناصح عقل کی بات سجھاتا جا
تجھ کو ابرآلود دنوں سے کام نہ چاندنی راتوں سے
بہلاتا ہے باتوں سے بہلاتا جا بہلاتا جا
دونوں سنگ راہ طلب ہیں راہنما بھی منزل بھی
ذوق طلب ہر ایک قدم پر دونوں کو ٹھکراتا جا
نغمے سے جب پھول کھلیں گے چننے والے چن لیں گے
سننے والے سن لیں گے تو اپنی دھن میں گاتا جا
آخر تجھ کو بھی موت آئی خیر حفیظؔ خدا حافظ
لیکن مرتے مرتے پیارے وجہ مرگ بتاتا جا
حفیظ جالندھری 
(1578) ووٹ وصول ہوئے
O Dil ToD Ke Jaane Wale Dil Ki Baat Batata Ja In Urdu By Famous Poet Hafeez Jalandhari. O Dil ToD Ke Jaane Wale Dil Ki Baat Batata Ja is written by Hafeez Jalandhari. Enjoy reading O Dil ToD Ke Jaane Wale Dil Ki Baat Batata Ja Poem on Inspiration for Students, Youth, Girls and Boys by Hafeez Jalandhari. Free Dowlonad O Dil ToD Ke Jaane Wale Dil Ki Baat Batata Ja by Hafeez Jalandhari in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends