عشق نے حسن کی بیداد پہ رونا چاہا
عشق نے حسن کی بیداد پہ رونا چاہا
تخم احساس وفا سنگ میں بونا چاہا
آنے والے کسی طوفان کا رونا رو کر
نا خدا نے مجھے ساحل پہ ڈبونا چاہا
سنگ دل کیوں نہ کہیں بت کدے والے مجھ کو
میں نے پتھر کا پرستار نہ ہونا چاہا
حضرت شیخ نہ سمجھے مرے دل کی قیمت
لے کے تسبیح کے رشتے میں پرونا چاہا
کوئی مذکور نہ تھا غیر کا لیکن تم نے
باتوں باتوں میں یہ نشتر بھی چبھونا چاہا
دیدۂ تر سے بھی سرزد ہوا اک جرم عظیم
حشر میں نامۂ اعمال کو دھونا چاہا
مرتے مرتے بھی توقع رہی دل داری کی
رکھ کے سر زانوئے تقدیر پہ سونا چاہا
ہائے کس درد سے کی ضبط کی تلقین مجھے
ہنس پڑے دوست جو میں نے کبھی رونا چاہا
جنس شہرت بہت ارزاں تھی مگر میں نے حفیظؔ
دولت درد کو بے کار نہ کھونا چاہا
حفیظ جالندھری 
(1197) ووٹ وصول ہوئے
Ishq Ne Husn Ki Be-dad Pe Rona Chaha In Urdu By Famous Poet Hafeez Jalandhari. Ishq Ne Husn Ki Be-dad Pe Rona Chaha is written by Hafeez Jalandhari. Enjoy reading Ishq Ne Husn Ki Be-dad Pe Rona Chaha Poem on Inspiration for Students, Youth, Girls and Boys by Hafeez Jalandhari. Free Dowlonad Ishq Ne Husn Ki Be-dad Pe Rona Chaha by Hafeez Jalandhari in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends