Tamam Umr Tera Intizar Humne Kiya
tamam umr tera intizar hum ne kiya
is intizar mein kis kis se pyar hum ne kiya
talash-e-dost ko ek umr chahiye ai dost
ki ek umr tera intizar hum ne kiya
tere KHayal mein dil shadman raha barson
tere huzur use sogwar hum ne kiya
ye tishnagi hai ke un se qarib rah kar bhi
'hafiz' yaad unhen bar bar hum ne kiya
Hafeez Hoshiarpuri 
(3571) Peoples Rate This