Gar Us Ka Silsila Bhi Umr-e-jawedan Se Mile
gar us ka silsila bhi umr-e-jawedan se mile
kisi ko KHak sukun marg-e-na-gahan se mile
koi zamin se bhi pahunchae aasman ko payam
payam ahl-e-zamin ko to aasman se mile
KHud apni gum-shudagi se jinhen shikayat hai
tu hi bata unhen tera nishan kahan se mile
suragh-e-umr-e-guzishta mile kahin se 'hafiz'
suragh-e-umr-e-guzishta magar kahan se mile
Hafeez Hoshiarpuri 
(884) Peoples Rate This