Mahw-e-kamal-e-arzu Mujhko Bana Ke Bhul Ja
mahw-e-kamal-e-arzu mujh ko bana ke bhul ja
apne harim-e-naz ka parda uTha ke bhul ja
jalwa hai be-KHudi-talab ishq hai himmat-azma
dida-e-mast yar se aankh mila ke bhul ja
lutf-e-jafa isi mein hai yaad-e-jafa na aae phir
tujh ko sitam ka wasta mujh ko miTa ke bhul ja
laus-e-talab ke nang se ishq ko be-niyaz rakh
ho bhi jo koi aarzu dil se miTa ke bhul ja
Hadi Machlishahri 
(791) Peoples Rate This