سلام لوگو
سلام اے دل فگار لوگو
سلام اے اشک بار لوگو
تمہی نے اپنا وطن بچایا
تمہی نے باطل کا سر جھکایا
بجھا کے شمع حیات اپنی
وفا کی راہوں کو جگمگایا
مگر یہ دل رو کے کہہ رہا ہے
لہو تمہارا نہ رنگ لایا
وہی ہے شب کا حصار لوگو
سلام اے اشک بار لوگو
گلوں کی وادی لہو لہو ہے
فغاں کی آواز چار سو ہے
ہیں اس قدر تشنہ کام میکش
ہر ایک لب پر سبو سبو ہے
نشان منزل ہے کھویا کھویا
لٹا لٹا شہر آرزو ہے
بجھے بجھے ہیں دیار لوگو
سلام اے اشک بار لوگو
تمہارے دم سے ہری زمینیں
خوشی سے دامن بھری مشینیں
ہیں اس کے با وصف بھیگی بھیگی
تمہاری اشکوں سے آستینیں
میں سوچتا ہوں رہیں گی کب تک
ستم کے آگے جھکی جبینیں
اٹھاؤ سر سوگوار لوگو
سلام اے اشک بار لوگو
حبیب جالب 
(6687) ووٹ وصول ہوئے
Salam Logo In Urdu By Famous Poet Habib Jalib. Salam Logo is written by Habib Jalib. Enjoy reading Salam Logo Poem on Inspiration for Students, Youth, Girls and Boys by Habib Jalib. Free Dowlonad Salam Logo by Habib Jalib in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends