تیرے ہونے سے
دل کی کونپل ہری تیرے ہونے سے ہے
زندگی زندگی تیرے ہونے سے ہے
کشت زاروں میں تو کارخانوں میں تو
ان زمینوں میں تو آسمانوں میں تو
شعر میں نثر میں داستانوں میں تو
شہر و صحرا میں تو اور چٹانوں میں تو
حسن صورت-گری تیرے ہونے سے ہے
زندگی زندگی تیرے ہونے سے ہے
تجھ سے ہے آفرینش نمو ارتقا
تجھ سے ہیں قافلے راستے رہنما
تو نہ ہوتی تو کیا تھا چمن کیا صبا
کیسے کٹتا سفر درد کا یاس کا
آس کی روشنی تیرے ہونے سے ہے
زندگی زندگی تیرے ہونے سے ہے
خوف و نفرت کی ہر حد مٹانے نکل
عقل و دانش کی شمعیں جلانے نکل
زیر دستوں کی ہمت بندھانے نکل
ہم خیال اور اپنے بنانے نکل
اب کشا بے کسی تیرے ہونے سے ہے
زندگی زندگی تیرے ہونے سے ہے
حبیب جالب 
(2891) ووٹ وصول ہوئے
Tere Hone Se In Urdu By Famous Poet Habib Jalib. Tere Hone Se is written by Habib Jalib. Enjoy reading Tere Hone Se Poem on Inspiration for Students, Youth, Girls and Boys by Habib Jalib. Free Dowlonad Tere Hone Se by Habib Jalib in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends