Malka-e-tarannum Nur-e-jahan Ki Nazr
naghma bhi hai udas to sar bhi hai be-aman
rahne do kuchh to nur andheron ke darmiyan
ek umr jis ne chain diya is jahan ko
lene do sukh ka sans use bhi sar-e-jahan
tayyar kaun hai jo mujhe bazuon mein le
ek ye nawa na ho to kaho jaun main kahan
agle jahan se mujh ko yahi iKHtilaf hai
ye suraten ye git sadaen kahan wahan
ye hai azal se aur rahega ye ta-abad
tum se na jal sakega tarannum ka aashiyan
Habib Jalib 
(3327) Peoples Rate This