شب کو نالہ جو مرا تا بہ فلک جاتا ہے
شب کو نالہ جو مرا تا بہ فلک جاتا ہے
صبح کو مہر کے پردے میں چمک جاتا ہے
اپنا پیمانۂ دل ہے مئے غم سے لبریز
بوند سے بادۂ عشرت کی چھلک جاتا ہے
کمر یار کی لکھتا ہوں نزاکت جس دم
خامہ سو مرتبہ کاغذ پہ لچک جاتا ہے
یاد آتی ہے کبھی صحبت احباب اگر
ایک شعلہ ہے کہ سینے میں بھڑک جاتا ہے
چاندنی چھپتی ہے تکیوں کے تلے آنکھوں میں خواب
سونے میں ان کا دوپٹہ جو سرک جاتا ہے
وصل کے ذکر پہ کہتے ہیں بگڑ کر دیکھو
ایسی باتوں سے کلیجہ مرا پک جاتا ہے
دل لیا ہے تو خدا کے لئے کہہ دو صاحب
مسکراتے ہو تمہیں پر مرا شک جاتا ہے
پیار کرنے کو جو بڑھتا ہوں تو کہتے ہیں ہٹو
نشہ میں آ کے کوئی ایسا بہک جاتا ہے
ساقیا جام پلا سیخ سے اترا ہے کباب
دیر اچھی نہیں اب لطف گزک جاتا ہے
لب خنداں سے نہ دیں کس لئے قاتل کو دعا
روز زخموں پہ نمک آ کے چھڑک جاتا ہے
شیفتہ شاہد رعنائے سخن کا ہوں حبیبؔ
نئے انداز پہ دل میرا پھڑک جاتا ہے
حبیب موسوی 
(833) ووٹ وصول ہوئے
Shab Ko Nala Jo Mera Ta-ba-falak Jata Hai In Urdu By Famous Poet Habeeb Musvi. Shab Ko Nala Jo Mera Ta-ba-falak Jata Hai is written by Habeeb Musvi. Enjoy reading Shab Ko Nala Jo Mera Ta-ba-falak Jata Hai Poem on Inspiration for Students, Youth, Girls and Boys by Habeeb Musvi. Free Dowlonad Shab Ko Nala Jo Mera Ta-ba-falak Jata Hai by Habeeb Musvi in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends