شب کہ مطرب تھا شراب ناب تھی پیمانہ تھا
شب کہ مطرب تھا شراب ناب تھی پیمانہ تھا
وہ پری وش کیا نہ تھا گویا کہ جو کچھ تھا نہ تھا
سوز دل سے لب یہ ہر دم نالہ بیتابانہ تھا
ہجر ساقی میں کسی پہلو قرار اصلا نہ تھا
جلوہ گر دل میں خیال عارض جانانہ تھا
گھر کی زینت تھی کہ زینت بخش صاحب خانہ تھا
کیا کروں اب مبتلا ہوں آپ اپنے حال میں
دی تھی نعمت اس نے جب لب پر مرے شکرانہ تھا
شہرۂ آفاق ہوتی میری ازخود رفتگی
خیریت گزری کہ آنکھوں سے تجھے دیکھا نہ تھا
فصل گل میں چھوڑتا مے دیکھ کر ماہ صیام
کچھ جنوں مجھ کو نہ تھا وحشت نہ تھی سودا نہ تھا
کیا کہوں ڈر یہ ہے وہ لیلیٰ ادا رسوا نہ ہو
ورنہ مجنوں سے بھی کچھ بڑھ کر میرا افسانہ نہ تھا
گر نزاکت میں نہ ہوتا مثل تار عنکبوت
خوب الفت سے زمانہ میں کوئی رشتہ نہ تھا
یوں ضعیفی آ گئی گویا ازل سے تھے ضعیف
اور شباب ایسا گیا جیسے کبھی آیا نہ تھا
ہے یقیں عاشق تمہارا مر گیا ہو لو خبر
میں نے کل دیکھا تھا جا کر حال کچھ اچھا نہ تھا
نیم باز آنکھیں تمہارا نام تھا ورد زباں
زخم دل پر ہاتھ تھا لب پر مگر شکوہ نہ تھا
بخت کی برگشتگی گزری ہے حد سے اے حبیبؔ
دیکھتے ہیں ان کے تلوے جن کا منہ دیکھا نہ تھا
حبیب موسوی 
(1063) ووٹ وصول ہوئے
Shab Ki Mutrib Tha Sharab-e-nab Thi Paimana Tha In Urdu By Famous Poet Habeeb Musvi. Shab Ki Mutrib Tha Sharab-e-nab Thi Paimana Tha is written by Habeeb Musvi. Enjoy reading Shab Ki Mutrib Tha Sharab-e-nab Thi Paimana Tha Poem on Inspiration for Students, Youth, Girls and Boys by Habeeb Musvi. Free Dowlonad Shab Ki Mutrib Tha Sharab-e-nab Thi Paimana Tha by Habeeb Musvi in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends