ہوے خلق جب سے جہاں میں ہم ہوس نظارۂ یار ہے
ہوے خلق جب سے جہاں میں ہم ہوس نظارۂ یار ہے
ٹھہر اے اجل کہ وہ آئیں گے دم واپسیں کا قرار ہے
رہیں محو کیوں نہ ہر ایک دم کہ نظر میں جلوۂ یار ہے
دل منتظر ہے جو آئنہ تو خیال آئنہ دار ہے
یہ خطائے عشق کی دی سزا کہ مژہ سے مردم چشم نے
مرا دل دکھا کے یہ کہہ دیا اسے لو یہ قابل دار ہے
یہ خدا ہی جانے وہ کون تھا جو شہید ناز و ادا ہوا
کہ اڑی ہے خاک رہ صنم تو خزاں میں رنگ بہار ہے
ہوئیں ترک ساری محبتیں مرے سر پہ ڈھائی ہیں آفتیں
یہی دل کے لینے میں شرط تھی یہی مجھ سے قول و قرار ہے
یہ جنوں کی دیکھیے پختگی جو کبھی کسی نے نہ ہو سنی
مرے پیرہن کا جو تار ہے وہ ہر ایک ریشۂ خار ہے
کوئی دل کی نکلی نہ آرزو ہوا رنج و غم سے جگر لہو
پھرے خاک چھانتے کو بہ کو نہ تو صبر ہے نہ قرار ہے
پس مرگ بھی ہیں وہی ستم ہیں جفائیں روح پہ دم بدم
ادھر آتے آتے وہ پھر گئے جو سنا کہ میرا مزار ہے
مرے سینہ کو نہ ہدف کرو تپش جگر سے ڈرے رہو
پر مرغ تیر نہ جل اٹھیں کہ لہو برنگ شرار ہے
وہ خوشی دکھائی نہ چرخ نے کہ عوض میں جس کے نہ غم دئے
کبھی فرش گل ہے جو ایک شب تو مہینوں بستر خار ہے
جسے درد نالہ و آہ ہے جو شہید تیغ نگاہ ہے
شب ہجر اس کی گواہ ہے وہ حبیبؔ سینہ فگار ہے
حبیب موسوی 
(942) ووٹ وصول ہوئے
Hue KHalq Jab Se Jahan Mein Hum Hawas-e-nazara-e-yar Hai In Urdu By Famous Poet Habeeb Musvi. Hue KHalq Jab Se Jahan Mein Hum Hawas-e-nazara-e-yar Hai is written by Habeeb Musvi. Enjoy reading Hue KHalq Jab Se Jahan Mein Hum Hawas-e-nazara-e-yar Hai Poem on Inspiration for Students, Youth, Girls and Boys by Habeeb Musvi. Free Dowlonad Hue KHalq Jab Se Jahan Mein Hum Hawas-e-nazara-e-yar Hai by Habeeb Musvi in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends