ہے نو جوانی میں ضعف پیری بدن میں رعشہ کمر میں خم ہے
ہے نو جوانی میں ضعف پیری بدن میں رعشہ کمر میں خم ہے
زمیں پہ سایہ ہے اپنے قد کا کہ جادۂ منزل عدم ہے
یہی ہے رسم جہان فانی اسی میں کٹتی ہے زندگانی
کبھی ہے سامان عیش و راحت کبھی ہجوم غم و الم ہے
بتاؤ کیوں چپ ہو منہ سے بولو گہر فشاں ہو دہن تو کھولو
عزیز رکھتے ہو جس کو دل سے اسی کے سر کی تمہیں قسم ہے
ہٹاؤ آئینہ کو خدارا لبوں پہ آیا ہے دم ہمارا
بناؤ تم دیکھتے ہو اپنا یہاں ہے دھڑکا کہ رات کم ہے
تمہارے کوچہ میں جب سے بیٹھے بھلائے دل سے سبھی طریقے
خدا ہی شاہد جو جانتے ہوں کہاں کلیسا کہاں حرم ہے
عبث ہے کوشش حصول زر میں خیال فاسد کو رکھ نہ سر میں
وہی ملے گا ازل سے جو کچھ ہر ایک کے نام پر رقم ہے
فرشتے جنت کو لے چلے تھے پہ تیرے کوچہ میں ہم جو پہنچے
مچل گئے ان سے کہہ کے چھوڑو ہمیں یہی گلشن ارم ہے
جدا ہو جب یار اپنا ساقی کہاں کی صحبت شراب کیسی
پلائیں گر خضر آب حیواں ہم اس کو سمجھیں یہی کہ سم ہے
جلائے یا ہم کو کوئی مارے بہشت دے یا سقر میں ڈالے
رہے گا اس بت کا نام لب پر ہمارے جب تک کہ دم میں دم ہے
حبیبؔ تا چند فکر دولت کبھی تو کر دل سے شکر نعمت
کریم کو ہے کرم کی عادت مگر یہ غفلت تری ستم ہے
حبیب موسوی 
(931) ووٹ وصول ہوئے
Hai Nau-jawani Mein Zoaf-e-piri Badan Mein Rasha Kamar Mein KHam Hai In Urdu By Famous Poet Habeeb Musvi. Hai Nau-jawani Mein Zoaf-e-piri Badan Mein Rasha Kamar Mein KHam Hai is written by Habeeb Musvi. Enjoy reading Hai Nau-jawani Mein Zoaf-e-piri Badan Mein Rasha Kamar Mein KHam Hai Poem on Inspiration for Students, Youth, Girls and Boys by Habeeb Musvi. Free Dowlonad Hai Nau-jawani Mein Zoaf-e-piri Badan Mein Rasha Kamar Mein KHam Hai by Habeeb Musvi in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends