Awwal Awwal Jis Ne Hum Ko Bheje The Paigham Bahut
awwal awwal jis ne hum ko bheje the paigham bahut
aaKHir aaKHir hae usi ne kar Dala badnam bahut
pael chhanke bhi to kaise naghme barsen bhi to kyun
tum bhi ho masruf udhar aur mujh ko bhi hain kaam bahut
chor-nagar mein qatil sare sina tane phirte hain
hum aise sada-lauhon par aae hain ilzam bahut
mana tujh ko taj-mahal ka model achchha lagta hai
lekin ye bhi kaise le dun us ke bhi hain dam bahut
chubhne lagti hai phulon ki narmi bhi to kabhi kabhi
kanTon mein bhi 'kaifi'-sahab milta hai aaram bahut
Habeeb Kaifi 
(839) Peoples Rate This