Is Tarah Dard Ka Tum Apne Mudawa Karna
is tarah dard ka tum apne mudawa karna
yaad-e-mazi ko charagh-e-rah-e-farda karna
teri duzdida-nigahi ke main sau bar nisar
dekhne wale isi chah se dekha karna
hashr tak jine ka arman liye baiTha hun
tum zara zist ke asbab muhayya karna
KHwahish-e-did ki tauhin hai jalwon ka KHayal
meri nazron ka taqaza hai ki parda karna
ek ehsan hai qudrat ki jafa-kari par
us ki duniya mein bhi jine ki tamanna karna
meri taskin ke liye phir koi wada kije
aap par farz nahin wade ka ifa karna
husn betab ho KHud wasl ki KHatir ai 'habib'
ishq ko chahiye andaz wo paida karna
Habeeb Aarvi 
(974) Peoples Rate This