Hain Dhabbe Tegh-e-qatil Ke Jise Dhone Nahin Dete
hain dhabbe tegh-e-qatil ke jise dhone nahin dete
mere ahbab tajdid-e-wafa hone nahin dete
meri wahshat ke sae jhankte rahte hain rauzan se
ye aadam-KHor mujh ko raat-bhar sone nahin dete
shikast-e-arzu ruswai-e-fikr-o-nazar paiham
yahi haalat mujh ko aap ka hone nahin dete
taqaza-e-wafa mein bhi sitam ka ek pahlu hai
main rona chahta hun aur wo rone nahin dete
'habib' apni KHata thi ho gae ruswa zamane mein
ki hum sehn-e-chaman mein bijliyan bone nahin dete
Habeeb Aarvi 
(744) Peoples Rate This