KHud-kushi
bas ek lamhe ka jhagDa tha
dar-o-diwar par aise chhanake se giri aawaz jaise kanch girta hai
har ek shai mein gain uDti hui, jalti hui kirchen
nazar mein, baat mein lahje mein, soch aur sans ke andar
lahu hona tha ek rishte ka so wo ho gaya us din!!
usi aawaz ke TukDe uTha ke farsh se us shab
kisi ne kaT lin nabzen
na ki aawaz tak kuchh bhi
ki koi jag na jae!
Gulzar 
(2170) Peoples Rate This