Akele
kis qadar sidha, sahal, saf hai rasta dekho
na kisi shaKH ka saya hai, na diwar ki Tek
na kisi aankh ki aahaT, na kisi chehre ka shor
dur tak koi nahin, koi nahin, koi nahin
chand qadmon ke nishan han kabhi milte hain kahin
sath chalte hain jo kuchh dur faqat chand qadam
aur phir TuT ke gir jate hain ye kahte hue
apni tanhai liye aap chalo, tanha akele
sath aae jo yahan koi nahin, koi nahin
kis qadar sidha, sahal, saf hai rasta dekho
Gulzar 
(3092) Peoples Rate This