Purane PeD Ko Mausam Nai Qabaen De
purane peD ko mausam nai qabaen de
gulon mein dafn kare reshmi ridaen de
shab-e-visal bhi manzil hai mere zauq-e-safar
mujhe visal se aage ki intihai de
main ek dana-e-pamal tha magar ai KHak
ab ug raha hun mere tan ko bhi qabaen de
fasil-e-shahr-e-sitam surKH hoti jati hai
amir-e-shahr hamein shauq se sazaen de
karen mushahida gulzar aisi aankhon se
nazar haTaen to manzar hamein sadaen de
Gulzar Vafa Chaudari 
(672) Peoples Rate This