Us Ka Chehra Bhi Chamak Mein Na Misali Nikla
us ka chehra bhi chamak mein na misali nikla
chand suraj ke ujalon ka sawali nikla
log samjha kiye mausam hi nahin uDne ka
us ki uzlat ka sabab be-par-o-baali nikla
phul to mil gaya KHushbu na magar hath lagi
us ko pane ka junun KHam-KHayali nikla
barish-e-sang mein bhi aai dua honTon par
sab ne kam-tar jise jaana tha wo aali nikla
be-hadaf tir chalata raha koi 'gulzar'
jab zarurat paDi tarkash wahan KHali nikla
Gulzar Bukhari 
(873) Peoples Rate This