میں نہیں ہوں مگر
میں نہیں ہوں مگر
اب بھی کھلتے ہیں کھڑکی کے دائیں طرف
پھول بل کھائی الجھی ہوئی بیل پر
زندگی کے کسی فیصلے کی
گھڑی سے الجھتے ہوئے
میں کھرچتا رہا تھا یہ روغن
جمی ہے یہاں آج تک
ننھے دھبے میں اک
بے کلی میرے احساس کی
اور قالین پر
میری پیالی سے چھلکی ہوئی
چائے کا اک پرانا نشاں
اب بھی تکتا ہے مٹیالی آنکھوں سے
چھت کی طرف
آج بھی ہیں پڑی شیلف پر
جو کتابیں خریدی تھیں
میں نے بہت پیار سے
آج بھی ہیں جڑے
کاغذوں کے حسیں آئینوں میں
مری سوکھی پوروں سے پھوٹے ہوئے
کالے حرفوں کے چہرے عجب شان سے
میں تو حیران ہوں
مجھ سے منسوب ہر ایک شے
جوں کی توں ہے تو کیا
ایک میں ہی تھا جو
ایک میں ہی تھا پانی کے
سینے پہ رکھا ہوا نقش جو
پل دو پل کو بنا اور مٹ بھی گیا
گلناز کوثر 
(907) ووٹ وصول ہوئے
Main Nahin Hun Magar In Urdu By Famous Poet Gulnaz Kausar. Main Nahin Hun Magar is written by Gulnaz Kausar. Enjoy reading Main Nahin Hun Magar Poem on Inspiration for Students, Youth, Girls and Boys by Gulnaz Kausar. Free Dowlonad Main Nahin Hun Magar by Gulnaz Kausar in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends