حیات رواں
بظاہر کہیں کوئی ہلچل نہیں ہے
حیات رواں اپنے مرکز سے چمٹی ہوئی ہے
بہت عام بے کار الجھے دنوں کی
ملائم سی گٹھری میں رکھی ہوئی
ایک بے نام سی دوپہر ہے
ہوا چل رہی ہے
نہ جانے کہاں
گہرے بے چین بادل کے ٹکڑے
اڑے جا رہے ہیں
پریشان سڑکوں پہ بہتے ہوئے زرد پتے
فضا میں بکھرتا ہوا کچھ غبار مسلسل
ذرا پل دو پل کو
بہت دور پتوں پہ ہنستا ہوا
تیز سورج
مگر پھر چمکتی ہوئی اک کرن پر
جھپٹتے ہوئے گدلے بادل
کھلے آسماں پر ٹھہرتے نہیں ہیں
ہوا چلتی رہتی ہے رکتی نہیں ہے
درختوں پہ شاخیں
ادھر سے ادھر ڈولتی ہیں
ادھر سے ادھر
میری چشم تصور میں اڑتے ہوئے چند ٹکڑے
لپکتے جھپکتے خیالات کے میلے بادل
کہیں سطح دل پر ٹھہرتے نہیں ہیں
بظاہر جہاں کوئی ہلچل نہیں ہے
مگر یہ غبار مسلسل اڑائے چلی جا رہی ہے
ہوا چلتی رہتی ہے رکتی نہیں ہے
حیات رواں اپنے مرکز سے چمٹی ہوئی ہے
مگر بے نام سی دوپہر کے
سکوت نہاں میں
عجب بے کلی ہے
گلناز کوثر 
(848) ووٹ وصول ہوئے
Hayat-e-rawan In Urdu By Famous Poet Gulnaz Kausar. Hayat-e-rawan is written by Gulnaz Kausar. Enjoy reading Hayat-e-rawan Poem on Inspiration for Students, Youth, Girls and Boys by Gulnaz Kausar. Free Dowlonad Hayat-e-rawan by Gulnaz Kausar in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends