Dil Ba-az-kaba Hai Yaran Jubba-sai Chahiye
dil ba-az-kaba hai yaran jubba-sai chahiye
hai KHuda ka ghar yahi lekin safai chahiye
dad-e-haq dekha to mutlaq nin hai muhtaj-e-sawal
hai wahan baKHshish hi baKHshish be-nawai chahiye
yar ki na-mehrbani par na kije kuchh KHayal
jo hain mahbub un ke tain be-e'tinai chahiye
apne hi ghar mein KHudai hai jo koi samjhe 'huzur'
han magar qaid-e-KHudi se Tuk rihai chahiye
Gulam Yahya Huzur Azimabadi 
(707) Peoples Rate This