طوفان سمندر کے نہ دریا کے بھنور دیکھ
طوفان سمندر کے نہ دریا کے بھنور دیکھ
ساحل کی تمنا ہے تو موجوں کا سفر دیکھ
خوشیوں کا خزینہ تہہ دامان الم ہے
گزرے شب تاریک تو پھر نور سحر دیکھ
اڑ جانا فلک تک کوئی مشکل نہیں لیکن
سورج کے تمازت سے جھلس جائیں نہ پر دیکھ
معراج ہے معراج ترے ذوق نظر کی
ہر منظر دل کش یہی کہتا ہے ادھر دیکھ
چشمے ہیں نہ دریا نہ سمندر ہے نہ جھیلیں
ہے پیاس کہ عالم ہیں سرابوں کا سفر دیکھ
ٹکرائیں تو صحراؤں میں بھی آگ لگا دیں
پوشیدہ رگ سنگ میں ہیں کتنے شرر دیکھ
تو نے تو مری سمت سے منہ موڑ لیا ہے
اب ہوتی ہے کس طرح مری عمر بسر دیکھ
تو اپنی حفاظت کی دعا مانگ چکا ہے
اب بیٹھ کے خلوت میں دعاؤں کا اثر دیکھ
اس کار گہہ دہر میں اے رحمت عالم
اک میں ہی نہیں سب ہیں ترے دست نگر دیکھ
کیا تہ میں سمندر کی گہرؔ ڈھونڈ رہا ہے
میری صدف چشم میں اشکوں کے گہرؔ دیکھ
گہر خیرآبادی 
(955) ووٹ وصول ہوئے
Tufan Samundar Ke Na Dariya Ke Bhanwar Dekh In Urdu By Famous Poet Guhar Khairabadi. Tufan Samundar Ke Na Dariya Ke Bhanwar Dekh is written by Guhar Khairabadi. Enjoy reading Tufan Samundar Ke Na Dariya Ke Bhanwar Dekh Poem on Inspiration for Students, Youth, Girls and Boys by Guhar Khairabadi. Free Dowlonad Tufan Samundar Ke Na Dariya Ke Bhanwar Dekh by Guhar Khairabadi in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends