دل کے دامن میں جو سرمایۂ افکار نہ تھا
دل کے دامن میں جو سرمایۂ افکار نہ تھا
زندگی تھی مگر اس کا کوئی معیار نہ تھا
جانے کیوں بات مری ان کو گراں بار ہوئی
لفظ ایسا تو کوئی شامل گفتار نہ تھا
کون سنتا مری کس کو میں صدائیں دیتا
ایسی غفلت تھی کہ احساس بھی بیدار نہ تھا
ہر طرف دھوپ تھی پھیلی ہوئی عریانی کی
سر چھپانے کو کہیں سایۂ کردار نہ تھا
آسماں چیر کے رکھ دیتی صدارت میری
وہ تو کہیے کوئی دشمن پس دیوار نہ تھا
زہر کا گھونٹ بالآخر اسے پینا ہی پڑا
بات یہ تھی وہ زمانے کا طرفدار نہ تھا
اس کی بیگانہ روی سے اسے سمجھا میں نے
تشنۂ خون وفا تھا کرم آثار نہ تھا
جس کو دیکھا وہ حقائق پہ تھا پردہ ڈالے
آئینہ دار حقیقت کوئی کردار نہ تھا
اعتبار دل پر شوق بھی پیدا کرتے
کام آنے کا فقط جذبۂ ایثار نہ تھا
کام آنکھوں سے نہ لیتے تو بھلا کیا کرتے
درد پنہاں تھے بہت پر لب اظہار نہ تھا
سرفرازی مری قسمت میں نہ تھی ورنہ گہرؔ
نوک نیزہ پہ پہنچنا کوئی دشوار نہ تھا
گہر خیرآبادی 
(856) ووٹ وصول ہوئے
Dil Ke Daman Mein Jo Sarmaya-e-afkar Na Tha In Urdu By Famous Poet Guhar Khairabadi. Dil Ke Daman Mein Jo Sarmaya-e-afkar Na Tha is written by Guhar Khairabadi. Enjoy reading Dil Ke Daman Mein Jo Sarmaya-e-afkar Na Tha Poem on Inspiration for Students, Youth, Girls and Boys by Guhar Khairabadi. Free Dowlonad Dil Ke Daman Mein Jo Sarmaya-e-afkar Na Tha by Guhar Khairabadi in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends