تم وفا کا عوض جفا سمجھے
تم وفا کا عوض جفا سمجھے
اے بتو تم سے بس خدا سمجھے
پان کھا کر جو آئے مقتل میں
کیا شہیدوں کا خون بہا سمجھے
سر قلم کرنے کا تھا خط میں جو حال
اس کا مضمون ہم جدا سمجھے
کب وہ تلووں سے آنکھیں ملنے دے
جو کہ مژگاں کو خار پا سمجھے
ہو گیا جب قلم ہمارا سر
اپنی قسمت کا تب لکھا سمجھے
دوڑے کیا ہو کے خوش سوئے مقتل
اس کے ہم گھر کا راستہ سمجھے
کسی صورت سے ہم کو آنے دے
کاش دروازے کا گدا سمجھے
یاد دنداں میں جو بہا آنسو
اس کو ہم در بے بہا سمجھے
چاندنی پر وہ پھر رکھے نہ قدم
ہم فقیروں کا بوریا سمجھے
تیری ابرو کو جو ہلال کہا
ماہ نو سے بھی کچھ سوا سمجھے
مروں تو وہ جواب نامہ لکھے
خط نہ آنے کا مدعا سمجھے
ہاتھ اٹھا کر لگا جو کوسنے وہ
واہ رے ہم اسے دعا سمجھے
جو ہے بیگانہ آشنا ہے وہ
ہم جو کہتے ہیں کوئی کیا سمجھے
ہم کو نظروں سے پیستی ہیں آپ
چشم بد دور توتیا سمجھے
جب سے اوس کوچے میں قدم رکھا
کیمیا کو بھی خاک پا سمجھے
تجھ کو او نوجواں کہا بے مثل
آج معنی لا فتا سمجھے
ہم نے جب دیکھی چاندنی چھٹکی
تیری اتری ہوئی قبا سمجھے
کاسۂ ماہ جب سے دیکھ لیا
تب سے گردوں کو ہم گدا سمجھے
اپنے فہمید پوچھ مت گویاؔ
کچھ نہ سمجھے یہ بارہا سمجھے
گویا فقیر محمد 
(833) ووٹ وصول ہوئے
Tum Wafa Ka Ewaz Jafa Samjhe In Urdu By Famous Poet Goya Faqir Mohammad. Tum Wafa Ka Ewaz Jafa Samjhe is written by Goya Faqir Mohammad. Enjoy reading Tum Wafa Ka Ewaz Jafa Samjhe Poem on Inspiration for Students, Youth, Girls and Boys by Goya Faqir Mohammad. Free Dowlonad Tum Wafa Ka Ewaz Jafa Samjhe by Goya Faqir Mohammad in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends