کس قدر مجھ کو ناتوانی ہے
کس قدر مجھ کو ناتوانی ہے
بار سر سے بھی سرگرانی ہے
چشم تر سے جو خوں فشانی ہے
ناوک عشق کی نشانی ہے
سارے قرآن سے اس پری رو کو
یاد اک لفظ لن ترانی ہے
جب ہوا رتبۂ فنا فی اللہ
غم نہیں گر جہان فانی ہے
ہے ہر اک شعر یار کی تصویر
فکر اپنی خیال مانی ہے
کیوں نہ ہوں عاشق لب جاناں
چشمۂ آب زندگانی ہے
اس کی رفتار کے لکھے ہیں جو وصف
کیا مری طبع میں آتی ہے
ناصحا عاشقی میں رکھ معذور
کیا کروں عالم جوانی ہے
کس سے دوں اس صنم کو میں تشبیہ
کب خدائی میں اس کا ثانی ہے
نہ مری زخم پر رکھو مرہم
میرے قاتل کی یہ نشانی ہے
سر کٹائیں گے شمع ساں خاموش
گر یہی اپنی بے زبانی ہے
ہم نہیں شمع ہوں جو اشک فشاں
کار عشاق جاں فشانی ہے
منہ نے گھر میں مرے رکھا اس کو
یہ بھی تائید آسمانی ہے
دل بھی اس سے اٹھا نہیں سکتے
ناتوانی سی ناتوانی ہے
قد موزوں کے عشق میں گویاؔ
رات دن شغل شعر خوانی ہے
گویا فقیر محمد 
(789) ووٹ وصول ہوئے
Kis Qadar Mujhko Na-tawani Hai In Urdu By Famous Poet Goya Faqir Mohammad. Kis Qadar Mujhko Na-tawani Hai is written by Goya Faqir Mohammad. Enjoy reading Kis Qadar Mujhko Na-tawani Hai Poem on Inspiration for Students, Youth, Girls and Boys by Goya Faqir Mohammad. Free Dowlonad Kis Qadar Mujhko Na-tawani Hai by Goya Faqir Mohammad in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends