مری آہ و فغاں کچھ بھی نہیں ہے
مری آہ و فغاں کچھ بھی نہیں ہے
جلے دل کا دھواں کچھ بھی نہیں ہے
نہ تڑپایا کسی ظالم کو اس نے
مری طرز بیاں کچھ بھی نہیں ہے
جہاں ہو بجلیوں کا خوف پیہم
سکون آشیاں کچھ بھی نہیں ہے
ہر اک شے بن گئی شیشہ کی مانند
اب اپنے درمیاں کچھ بھی نہیں ہے
خدا گو ذرہ ذرہ سے عیاں ہے
مگر ذرہ یہاں کچھ بھی نہیں ہے
جو دیکھو تو سبھی کچھ ہے جہاں میں
جو سمجھو تو جہاں کچھ بھی نہیں ہے
توانائی کی دنیا میں اے مغمومؔ
بساط ناتواں کچھ بھی نہیں ہے
گور بچن سنگھ دیال مغموم 
(732) ووٹ وصول ہوئے
Meri Aah-o-fughan Kuchh Bhi Nahin Hai In Urdu By Famous Poet Gorbachan Singh Dayal Maghmum. Meri Aah-o-fughan Kuchh Bhi Nahin Hai is written by Gorbachan Singh Dayal Maghmum. Enjoy reading Meri Aah-o-fughan Kuchh Bhi Nahin Hai Poem on Inspiration for Students, Youth, Girls and Boys by Gorbachan Singh Dayal Maghmum. Free Dowlonad Meri Aah-o-fughan Kuchh Bhi Nahin Hai by Gorbachan Singh Dayal Maghmum in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends