Phir Mujhe Jine Ki Dua Di Hai
phir mujhe jine ki dua di hai
yani phir ek hasin saza di hai
zulm sah kar bhi hum ne zalim ke
hath chume hain aur dua di hai
kyun gila ho ki hum ko qudrat ne
ye kisi jurm ki saza di hai
shukriya tu ne ek Thokar se
ruh-e-KHwabida ek jaga di hai
husn ko kya KHabar ki KHud us ne
shoala-e-ishq ko hawa di hai
mausam-e-gul ne aa ke gulshan mein
jaane kya aag si laga di hai
hum ne daghon ke nur se 'maghmum'
raunaq-e-bazm-e-dil baDha di hai
Gorbachan Singh Dayal Maghmum 
(731) Peoples Rate This