مجھ پہ تو مہربان ہے پیارے
مجھ پہ تو مہربان ہے پیارے
یہ بھی اک امتحان ہے پیارے
یہ ترا آستان جلوہ ہے
میرے دل کی بھی شان ہے پیارے
کون کہتا ہے بے وفا تجھ کو
کس کے منہ میں زبان ہے پیارے
عاشقی اور شکوۂ بیداد
یہ تجھے کیا گمان ہے پیارے
تیرے کوچے کا واہ کیا کہنا
یہ زمیں آسمان ہے پیارے
ہے فسانہ اگر جہاں تو عشق
اس فسانے کی جان ہے پیارے
تو سلامت رہے ترے دم سے
دل کی دنیا جوان ہے پیارے
ہائے وہ داستان غم جس کی
خامشی ترجمان ہے پیارے
دل کی بیتابیوں کا حال نہ پوچھ
ایک آفت میں جان ہے پیارے
ہم بھی اردو پہ ناز کرتے ہیں
یہ ہماری زبان ہے پیارے
گوپال متل 
(1057) ووٹ وصول ہوئے
Mujh Pe Tu Mehrban Hai Pyare In Urdu By Famous Poet Gopal Mittal. Mujh Pe Tu Mehrban Hai Pyare is written by Gopal Mittal. Enjoy reading Mujh Pe Tu Mehrban Hai Pyare Poem on Inspiration for Students, Youth, Girls and Boys by Gopal Mittal. Free Dowlonad Mujh Pe Tu Mehrban Hai Pyare by Gopal Mittal in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends