Apne Anjam Se Darta Hun Main
apne anjam se Darta hun main
dil dhaDakta hai ki sachcha hun main
mera saqi hai baDa dariya-dil
phir bhi pyasa hun ki sahra hun main
aur kis ko ho mere zahr ki tab
apne hi aap ko Dasta hun main
kyun karun pairwi-e-gautam o qais
jab bhare ghar mein bhi tanha hun main
tha wo kuchh hum se ziyaada hi mariz
jis ka dawa tha masiha hun main
kya nahin hai koi mai hosh-gudaz
jitni pita hun sambhalta hun main
Gopal Mittal 
(841) Peoples Rate This