Kisi Se KHwab Ka Charcha Na Karna
kisi se KHwab ka charcha na karna
tamannaon ko be-parda na karna
zamana lakh bahkae magar tum
wafaon ka kabhi sauda na karna
KHataon ki saza aaKHir milegi
rulaega use tauba na karna
bichhaDte waqt aansu rok lena
tum apne aap ko ruswa na karna
tumhein achchhi tarah pahchanti hun
wafa ka mujh se tum wada na karna
Girija Wiyas 
(780) Peoples Rate This