اونچے درجے کا سیلاب
زمیں کا حسن سبزہ ہے
مگر اب سبز پتے زرد ہو کر جھڑتے جاتے ہیں
بہاریں دیر سے آتی ہیں
جگنو ہے نہ تتلی ۔۔۔خوشبوؤں سے رنگ روٹھے ہیں
جہاں جنگل ہوا کرتے تھے اور بارش دھنک لے کر اترتی تھی
جہاں برسات میں کوئل، پپیہے چہچہاتے تھے
وہاں اب خاک اڑتی ہے
درختوں کی کمی سے آ گئی ہے دھوپ میں شدت
فضا کا مہرباں ہالہ پگھلتا جا رہا ہے
آسماں تانبے میں ڈھلتا جا رہا ہے
اس لیے بے مہر موسم اب ستاتے ہیں
دھوئیں کے، گرد کے، آلودگی کے، شور کے موسم
گلی، کوچوں، گھروں میں کارخانوں میں بس اب
سڑک پر شور بہتا ہے
سنائی ہی نہیں دیتا ہمارا دل جو کہتا ہے
محبت کا پرندہ آج کل خاموش رہتا ہے
پرندے پیاس میں ڈوبے ہیں اور پانی نہیں پیتے
کہ دریاؤں کی شریانوں میں اب شفاف پانی کی جگہ آلودگی کا زہر ہے
ہمیں جب بحر و بر کی حکمرانی دی گئی ہے تو یہ ہم کو سوچنا ہوگا
زمینوں، پانیوں، ماحول کی بیماریوں کا کوئی مداوا ہے
کہیں ان کا سبب ہم تو نہیں بنتے؟
سبب کوئی بھی ہو آخر مداوا کچھ تو کرنا ہے
یہ تصویر جہاں ہے رنگ اس میں ہم کو بھرنا ہے
غلام محمد قاصر 
(962) ووٹ وصول ہوئے
Unche Darje Ka Sailab In Urdu By Famous Poet Ghulam Mohammad Qasir. Unche Darje Ka Sailab is written by Ghulam Mohammad Qasir. Enjoy reading Unche Darje Ka Sailab Poem on Inspiration for Students, Youth, Girls and Boys by Ghulam Mohammad Qasir. Free Dowlonad Unche Darje Ka Sailab by Ghulam Mohammad Qasir in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends