کچھ بے ترتیب ستاروں کو پلکوں نے کیا تسخیر تو کیا
کچھ بے ترتیب ستاروں کو پلکوں نے کیا تسخیر تو کیا
وہ شخص نظر بھر رک نہ سکا احساس تھا دامن گیر تو کیا
کچھ بنتے مٹتے دائرے سے اک شکل ہزاروں تصویریں
سب نقش و نگار عروج پہ تھے آنکھیں تھیں زوال پذیر تو کیا
خوش ہوں کہ کسی کی محفل میں ارزاں تھی متاع بیداری
اب آنکھیں ہیں بے خواب تو کیا اب خواب ہیں بے تعبیر تو کیا
خواہش کے مسافر تو اب تک تاریکئ جاں میں چلتے ہیں
اک دل کے نہاں خانے میں کہیں جلتی ہے شمع ضمیر تو کیا
صحرائے تمنا میں جس کے جینے کا جواز ہی جھونکے ہوں
اس ریت کے ذروں نے مل کر اک نام کیا تحریر تو کیا
لکھتا ہوں تو پوروں سے دل تک اک چاندنی سی چھا جاتی ہے
قاصرؔ وہ ہلال حرف کبھی ہو پائے نہ ماہ منیر تو کیا
غلام محمد قاصر 
(887) ووٹ وصول ہوئے
Kuchh Be-tartib Sitaron Ko Palkon Ne Kiya TasKHir To Kya In Urdu By Famous Poet Ghulam Mohammad Qasir. Kuchh Be-tartib Sitaron Ko Palkon Ne Kiya TasKHir To Kya is written by Ghulam Mohammad Qasir. Enjoy reading Kuchh Be-tartib Sitaron Ko Palkon Ne Kiya TasKHir To Kya Poem on Inspiration for Students, Youth, Girls and Boys by Ghulam Mohammad Qasir. Free Dowlonad Kuchh Be-tartib Sitaron Ko Palkon Ne Kiya TasKHir To Kya by Ghulam Mohammad Qasir in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends