تھک تھک گئے ہیں عاشق درماندۂ فغاں ہو
تھک تھک گئے ہیں عاشق درماندۂ فغاں ہو
یا رب کہیں وہ غفلت فریاد بے کساں ہو
یا قہر ہے وہ شوخی یا پردہ ہے نظر کا
دل میں تو اس کا گھر ہو اور آنکھ سے نہاں ہو
یہ شور بھر رہا ہے فریاد کا جہاں میں
جو بات لب پہ آئی الٹی پھری فغاں ہو
کس کس دعا کو مانگیں کیا کیا ہوس نکالیں
اک جاں کدھر کدھر ہو اک دل کہاں کہاں ہو
برگشتگیٔ قسمت یہ چھیڑ کیا نکالی
جو مدعائے دل ہو وہ مدعیٔ جاں ہو
مقدور تک تو اپنے تجھ سے نبھائیں گے ہم
بے جان و دل ہیں حاضر گر قصد امتحاں ہو
صیاد میں نہیں ہوں گم کردہ آشیاں ہوں
اے ہم صفیرو بولو کس جا ہو اور کہاں ہو
اے آہ دل سے اٹھ کر لب پر ہے کیا تأمل
جا شورش زمیں ہو آشوب آسماں ہو
مٹ مٹ کے بھی ہمارا اک بن رہے گا ساماں
اجڑے اگر بہاراں آبادیٔ خزاں ہو
جب بیٹھنے پہ آئے اے ضعف بیٹھ رہیے
پھر کیا ہے یہ تکلف اس کا ہی آستاں ہو
تو ہی رہے گی بلبل یا میں ہی اس چمن میں
یا تیرا ہی ہو قصہ یا میری داستاں ہو
میرے سخن میں کیا ہے کچھ خال و خط بیاں ہے
پر دل سے اس کے پوچھے جو کوئی نکتہ داں ہو
میرا سلام کہنا جھک کر قلقؔ وہی ہے
اس کی گلی میں بیٹھا موزوں سا جو جواں ہو
غلام مولیٰ قلق 
(759) ووٹ وصول ہوئے
Thak Thak Gae Hain Aashiq Darmanda-e-fughan Ho In Urdu By Famous Poet Ghulam Maula Qalaq. Thak Thak Gae Hain Aashiq Darmanda-e-fughan Ho is written by Ghulam Maula Qalaq. Enjoy reading Thak Thak Gae Hain Aashiq Darmanda-e-fughan Ho Poem on Inspiration for Students, Youth, Girls and Boys by Ghulam Maula Qalaq. Free Dowlonad Thak Thak Gae Hain Aashiq Darmanda-e-fughan Ho by Ghulam Maula Qalaq in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends