نہ پہنچے ہاتھ جس کا ضعف سے تا زیست دامن تک
نہ پہنچے ہاتھ جس کا ضعف سے تا زیست دامن تک
سراغ خوں اب اس کا مر کے جائے خاک گردن تک
سر و ساماں سے ہیں یہ بے سر و سامانیاں اپنی
کہ ہے جوش جنوں میرا گریباں گیر دامن تک
نہ کی غفلت سے قدر دل عبث الزام دل بر پر
متاع خفتہ کے جانے کے سو رستے ہیں رہزن تک
یہ حیلہ بھی نہیں کم موت کے آنے کو گر آئے
نہ آئے جو کہ بالیں پر وہ کیا جائے گا مدفن تک
کچھ ایسا اختلاط آپس سے اٹھا اس زمانے میں
نہ قاتل آئے ہے مجھ تک نہ جائے موت دشمن تک
مری محنت کا ضائع ہونا ہی تو اک قیامت ہے
کہ باد و برق آفت میں رہیں گے میرے خرمن تک
وفا کی نذر ہے میری ہی جان حسرت آلودہ
اثر کی قدر ہے میری ہی آہ قافلہ زن تک
غبار دل کسی ڈھب سے نہ قاتل کا ہوا ثابت
کہ صاف اس کی ہوا کی تیغ مجھ سے میرے کشتن تک
میں اپنے حوصلے سے اور وہ اپنے جامے سے باہر
نہ خنجر کا اسے کھٹکا نہ یاں صرفہ ہے گردن تک
نہیں ہوتا رفو چاک گریبان فنا ہرگز
منگائیں چرخ چارم سے اگر عیسیٰ کی سوزن تک
گراں جانی چمن میں بھی نشانہ ہو گئی آخر
کہ بار دوش گلبن ہے مری شاخ نشیمن تک
قلقؔ مرتا ہے اور ہوتا ہے ماتم کا یہ ہنگامہ
مگر رونا ہے اس کا تو نہ آیا بزم شیون تک
غلام مولیٰ قلق 
(1091) ووٹ وصول ہوئے
Na Pahunche Hath Jis Ka Zoaf Se Ta-zist Daman Tak In Urdu By Famous Poet Ghulam Maula Qalaq. Na Pahunche Hath Jis Ka Zoaf Se Ta-zist Daman Tak is written by Ghulam Maula Qalaq. Enjoy reading Na Pahunche Hath Jis Ka Zoaf Se Ta-zist Daman Tak Poem on Inspiration for Students, Youth, Girls and Boys by Ghulam Maula Qalaq. Free Dowlonad Na Pahunche Hath Jis Ka Zoaf Se Ta-zist Daman Tak by Ghulam Maula Qalaq in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends