ماتم دید ہے دیدار کا خواہاں ہونا
ماتم دید ہے دیدار کا خواہاں ہونا
جس قدر دیکھنا اتنا ہی پشیماں ہونا
سخت دشوار ہے آسان کا آساں ہونا
خون فرصت ہے یہاں سر بہ گریباں ہونا
تیرا دیوانہ تو وحشت کی بھی حد سے نکلا
کہ بیاباں کو بھی چاہے ہے بیاباں ہونا
کوچۂ غیر میں کیوں کر نہ بناؤں گھر کو
میری آبادی سے آباد ہے ویراں ہونا
خاک وحشی سے اگر ربط ہے ٹھوکر کو تری
دور دامن سے نہیں دور گریباں ہونا
نہ وہ خوں ہی ہے جگر میں نہ وہ رونے کا دماغ
مل گیا خاک میں ہر اشک کا طوفاں ہونا
جی کا جی ہی میں رہا حرف تمنا افسوس
کہنا کچھ آپ ہی اور آپ پشیماں ہونا
دل سے انداز شکن زلف نے سب جمع کیے
چھیڑ کر اس کو کہیں تو نہ پریشاں ہونا
تجھ کو ارمان خرابی ہے جو اے دہلی اور
سیکھ جا گھر میں مرے رہ کے بیاباں ہونا
دل ہے اک قطرۂ خوں جس پہ یہ سینہ زوری
کچھ سمجھتا ہی نہیں ہم صف مژگاں ہونا
مجھ میں کچھ تاب ہو اے جاں تو میں بے تاب رہوں
ورنہ دشوار ہے اس راز کا پنہاں ہونا
یاد مژگاں سے ادھر زخم جگر پر کھانا
اور ادھر شورش دل سے نمک افشاں ہونا
آج وہ وقت قلقؔ پر ہے کہ جوں ابن خلیل
غیر تسلیم نہیں قتل کا آساں ہونا
غلام مولیٰ قلق 
(890) ووٹ وصول ہوئے
Matam-e-did Hai Didar Ka KHwahan Hona In Urdu By Famous Poet Ghulam Maula Qalaq. Matam-e-did Hai Didar Ka KHwahan Hona is written by Ghulam Maula Qalaq. Enjoy reading Matam-e-did Hai Didar Ka KHwahan Hona Poem on Inspiration for Students, Youth, Girls and Boys by Ghulam Maula Qalaq. Free Dowlonad Matam-e-did Hai Didar Ka KHwahan Hona by Ghulam Maula Qalaq in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends