کوئی کیسا ہی ثابت ہو طبیعت آ ہی جاتی ہے
کوئی کیسا ہی ثابت ہو طبیعت آ ہی جاتی ہے
خدا جانے یہ کیا آفت ہے آفت آ ہی جاتی ہے
وہ کیسے ہی چلیں تھم تھم قیامت آ ہی جاتی ہے
بچے کوئی کسی ڈھب سے پہ شامت آ ہی جاتی ہے
ستم کر کے ستم گر کی نظر نیچی ہی رہتی ہے
برائی پھر برائی ہے ندامت آ ہی جاتی ہے
زلیخا بے خرد آوارہ لیلیٰ بد مزہ شیریں
سبھی مجبور ہیں دل سے محبت آ ہی جاتی ہے
چراغ و شمع بزم یار کر کر غیر کو پھونکا
دل افسردہ میں آخر حرارت آ ہی جاتی ہے
ہوا نظروں ہی نظروں میں وہ محشر برق صد خرمن
محبت کی نگاہوں سے شرارت آ ہی جاتی ہے
پسینہ آ گیا ان کو کیا وعدہ جو آنے کا
بری ہے ناز برداری نزاکت آ ہی جاتی ہے
ہر اک سے اب وہ کہتے ہیں کہ لو ہم پر یہ مرتے ہیں
جییں گے اس طرح کب تک کہ غیرت آ ہی جاتی ہے
نہیں کچھ دل کا پھرنا عہد دشمن سے ترا پھرنا
مگر کچھ سوچ کر آخر مروت آ ہی جاتی ہے
نہ ہوتی گر نوید مرگ کیوں کر ہجر میں جیتے
محبت میں بھی آسائش پہ نیت آ ہی جاتی ہے
وصال غیر کے قصے کو سن کر کیا تڑپتا ہوں
یہ ارماں کوئی جا سکتا ہے حسرت آ ہی جاتی ہے
اگر صد سال کیجے شکر الفت کیجئے لیکن
یہ وہ شیوہ ہے بد ظن پھر شکایت آ ہی جاتی ہے
قلقؔ خط غیر کا کیوں کر نہ آتا کیوں نہ تم پڑھتے
قضا لکھی ہوئی حضرت سلامت آ ہی جاتی ہے
غلام مولیٰ قلق 
(1021) ووٹ وصول ہوئے
Koi Kaisa Hi Sabit Ho Tabiat Aa Hi Jati Hai In Urdu By Famous Poet Ghulam Maula Qalaq. Koi Kaisa Hi Sabit Ho Tabiat Aa Hi Jati Hai is written by Ghulam Maula Qalaq. Enjoy reading Koi Kaisa Hi Sabit Ho Tabiat Aa Hi Jati Hai Poem on Inspiration for Students, Youth, Girls and Boys by Ghulam Maula Qalaq. Free Dowlonad Koi Kaisa Hi Sabit Ho Tabiat Aa Hi Jati Hai by Ghulam Maula Qalaq in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends