ہر عداوت کی ابتدا ہے عشق
ہر عداوت کی ابتدا ہے عشق
کہ محبت کی انتہا ہے عشق
لو زلیخا کو کب ہوا ہے عشق
کس قدر طاقت آزما ہے عشق
فلک و مدعی و یار و اجل
سب بھلے ہیں مگر برا ہے عشق
دیکھیے اس کا ہوگا کیا انجام
اب خدا سے ہمیں ہوا ہے عشق
ہو چکا ہم سے کچھ جو ہونا تھا
تو نے یہ حال کیا کیا ہے عشق
وامق و قیس و کوہ کن کیا تھے
اجل و آفت و بلا ہے عشق
دیکھنا شوق و شرم کا شیوہ
حسن خود بیں ہے خود نما ہے عشق
کون جانے تھا اس کا نام و نمود
میری بربادی سے بنا ہے عشق
دل کرو خوں تو کیا ہے دل داری
جان جاتی رہے تو کیا ہے عشق
غم زدائی میں غم فزا کیا کچھ
دل ربا یا نہ جاں ربا ہے عشق
با وفا وہ ہیں بے وفا ہے حسن
بے وفا ہم ہیں با وفا ہے عشق
غمزہ سا غمزہ غم میں کرتا ہے
کچھ سے کچھ اب تو ہو گیا ہے عشق
کیسے کیسوں کی اس نے لی ہے جان
دیکھنا کیا ہی خوش ادا ہے عشق
کیوں کے ماتم نہ اب وفا کا رہے
میرے مرتے ہی مر مٹا ہے عشق
دیکھنا مرگ و زیست کے جھگڑے
جاں فزا حسن و جاں گزا ہے عشق
ویسا ہی ہے فرشتہ جیسی روح
اے قلقؔ تیرا آشنا ہے عشق
غلام مولیٰ قلق 
(809) ووٹ وصول ہوئے
Har Adawat Ki Ibtida Hai Ishq In Urdu By Famous Poet Ghulam Maula Qalaq. Har Adawat Ki Ibtida Hai Ishq is written by Ghulam Maula Qalaq. Enjoy reading Har Adawat Ki Ibtida Hai Ishq Poem on Inspiration for Students, Youth, Girls and Boys by Ghulam Maula Qalaq. Free Dowlonad Har Adawat Ki Ibtida Hai Ishq by Ghulam Maula Qalaq in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends