دوستی اس کی دشمنی ہی سہی
دوستی اس کی دشمنی ہی سہی
دوست تو ہو وہ مدعی ہی سہی
مستی و بحث عذر کفارہ
توبہ سے توبہ ہم نے کی ہی سہی
ہے اگر کچھ وفا تو کیا کہنے
کچھ نہیں ہے تو دل لگی ہی سہی
جی ہے یہ بن لگے نہیں رہتا
کچھ تو ہو شغل عاشقی ہی سہی
محتسب ختم کیجئے حجت
پی ہے تو خیر ہم نے پی ہی سہی
حیف خمیاز ہائے حسرت و شوق
زندگانی کشاکشی ہی سہی
جان دے کر لیا ہے نام وفا
موت بھی ہم نے مول لی ہی سہی
ملتے ہیں مدعی سے ملنے دو
کہ مری ناخوشی خوشی ہی سہی
بوسہ دینے کی چیز ہے آخر
نہ سہی ہر گھڑی کبھی ہی سہی
قتل ہوتے ہیں قتل ہوتے ہیں
عہد دل دور نادری ہی سہی
اے قلقؔ ناصحوں سے کیا تکرار
مان اک بات مان لی ہی سہی
غلام مولیٰ قلق 
(913) ووٹ وصول ہوئے
Dosti Uski Dushmani Hi Sahi In Urdu By Famous Poet Ghulam Maula Qalaq. Dosti Uski Dushmani Hi Sahi is written by Ghulam Maula Qalaq. Enjoy reading Dosti Uski Dushmani Hi Sahi Poem on Inspiration for Students, Youth, Girls and Boys by Ghulam Maula Qalaq. Free Dowlonad Dosti Uski Dushmani Hi Sahi by Ghulam Maula Qalaq in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends