Na Subh Wusat Na Sham Wusat
na subh wusat na sham wusat
ye kis ne kar di haram wusat
mere badan mein simaT gai hai
mere paron ki tamam wusat
hawas ke shoale bhaDak rahe hain
jhulas rahi hai mudam wusat
ghuTan si hoti hai us se mil kar
aur us ne rakkha hai nam wusat
teri hi KHatir lahu ka sauda
to phir tujhe to salam wusat
main jab se 'amjad' simaT gaya hun
wo le ke baiThe hain KHam wusat
Ghufran Amjad 
(738) Peoples Rate This