Ek KHalish Hai Mere Bahar Meri Dam-saz Giri
ek KHalish hai mere bahar meri dam-saz giri
kis bulandi pe thi jis dam meri parwaz giri
meri dahliz pe rakkha hai kuchh angaron sa
mere aangan mein bhi jhulsi hui aawaz giri
kisi eazaz pe ab sikka-e-dil kya uchhle
is tawatur se miyan qimat-e-eazaz giri
ab bhala kaun kare chaak gareban-e-junun
azmat-e-zulf ghaTi chashm-e-kanwal-naz giri
ishq ne moajiza is tarah dikhaya 'amjad'
husn ke hath se shamshir-e-sharar-baz giri
Ghufran Amjad 
(868) Peoples Rate This