ہجرت
وہ آغوش جس میں پلے
اور پل کر جواں ہم ہوئے ہیں
اسے چھوڑنے کی تدابیر کرنے میں مصروف ایسے ہوئے ہیں
کہ زنداں سے قیدی رہائی کی راہوں کی
تعمیر کرنے میں مشغول ہوتے ہیں جیسے
وہ آغوش جس میں جواں ہم ہوئے ہیں
اسے چھوڑ کر دور جانے کے احساس سے
جو خوشی مل رہی ہے
کسی بھی طرح اس سے کمتر نہیں ہے
جو زنداں سے باہر نکلنے میں محسوس ہوتی ہے زندانیوں کو
خوش کا یہ احساس
ایسا نہیں کہ فقط ایک ہم تک ہی محدود ہو
یہ خوشی گھر کے دیوار و در میں بھی گھر کر گئی ہے
ماں بہن باپ بھائی بھی گردن اٹھائے ہوئے
اپنے ہم سایوں سے کہتے پھرتے نظر آ رہے ہیں
کہ میرا قمر بھی عرب جا رہا ہے
شریک سفر کی رگوں میں بھی خوشیاں اچھلنے لگی ہیں
وہ راتوں کی سب لذتیں بھول کر
جانے والے کی تیاریوں میں
بڑے چاؤ سے منہمک ہو گئی ہے
عجب جاں فزا ہے یہ ہجرت کا منظر
مگر یہ روایت ہے
مکے سے یثرب کو جاتے ہوئے
مصطفیٰ اور سارے صحابی بہت رو رہے تھے
وطن کی محبت انہیں روکتی تھی
جدائی جگر میں تبر بھونکتی تھی
وہ ہجرت کا منظر بڑا جاں گسل تھا
مگر آج ہجرت کا منظر بدل سا گیا ہے
یہ منظر تو سچ مچ بڑا جاں فزا ہے
مگر ایسا کیوں ہوا ہے
یہاں تو مظالم کی وہ سختیاں بھی نہیں ہیں
غضنفر 
(1539) ووٹ وصول ہوئے
Hijrat In Urdu By Famous Poet Ghazanfar. Hijrat is written by Ghazanfar. Enjoy reading Hijrat Poem on Inspiration for Students, Youth, Girls and Boys by Ghazanfar. Free Dowlonad Hijrat by Ghazanfar in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends